二鍋頭 (好運中心)

Open Now

Now Closed

食放題如果又有雞煲又有火鍋, 價錢又唔貴, 咁就真係相當抵食。這間性價比高嘅火鍋店位於好運中心, 面積雖然不算大, 但食店間隔實用又清潔。先吃豬手煲, 店員將豬手喺煲內兜炒, 豬手皮很爽脆,豬手肉炆得夠腍又入味, 加上紅椒, 大葱和芫茜嘅惹味配料, 吃得很滋味。之後嘅鴨煲和雞煲都唔錯, 夠曬惹味。火鍋環節當然少不了牛肉, 最受歡迎嘅就係安格斯牛板腱, 雪花油脂分佈鮮明, 淥幾秒就食得, 又滑又有牛味。還有爽脆嘅鯇魚腩, 肥美嘅豬大腸, 鮮蝦很大隻, 肉質清甜, 夠曬新鮮。大蜆肉質也很鮮味, 響鈴和炸魚皮夠鬆脆, 喺上湯碌幾下依然係咁脆。還有新鮮蔬菜, 香腸和手打肉丸, 加上雪糕雪條和飲品, 食材都幾豐富。