北海道爐端燒 (Closed)

放完大假返嚟，工作有點忙🤦🏻‍♀️ 不過飯始終要食、同朋友點都要聚吓👀 尤其係好朋友嘅生日，點都要搵啲特別啲嘅食物等大家開心吓🤗 不過因為我上兩個星期唔喺香港，唯有勞煩壽星去安排😝第一次上到嚟「Majimeya北海道爐端燒」🍡🍢 感覺周圍都好熱🔥 咁啱我又坐近門口，啲熱風就係咁擁埋嚟，雖然已經叫咗服務員較大咗個冷氣，但係對我呢個死位，似乎起唔到作用🤨 不過心靜自然涼❄️ 坐坐吓我都唔記得lu😅 因為大家都係第一次嚟幫襯，咁就樣樣都試啲啦。不過我哋有六個人，張枱又唔係太大，我哋隨身物件又多，感覺有啲逼夾，所以一次過都唔敢叫太多食物🍡🍢 怕擺唔哂😏 食物質素一般啦，燒帶子有點過熟，不過個燒蟹蓋就真係唔錯，爆滿嘅蟹羔好鮮味😋 如果啲服務員可以唔黑我面、nice少少，我諗我會再返嚟嘅！