氷川菓屋 (Closed)

山林道呢間日式刨冰好耐之前食過，記得上次食完一個即刻嗌多個😛之後有次想黎又已經收左鋪，今次係附近食完飯醒起，就黎左食喇！鋪頭唔係好大，最多坐到５－６個人！但小小既鋪頭都營造了復古既日本風格🎏🎎藍莓乳酪刨冰💁🏻‍♀️$58刨冰份量多，好高，雪白的刨冰由北海道純水製成。打得非常細滑！刨冰淋上大量藍莓乳酪，唔會藥水味，唔會太甜，係真藍莓乳酪，酸酸甜甜！刨冰中間有藍莓味布甸，質感軟滑，口感豐富。亦唔會好似好多出面既刨冰，食到底會覺得無味。我同男朋友秒速食哂🤪另外推介熱情果刨冰！今次太飽喇食唔落，熱情果唔係大路既大熱水果，但上次食過都係好驚喜好味架🤩