Video
Read full review
2019-02-25
240 views
兄弟姊妹出嚟食個飯，梗係搵間氣氛後生D嘅鋪頭（上網睇其他人食評又好似講到好正咁），費事成日話我地啲老嘢同D後生嘅有代溝，唔講咁多廢話，食評依家開始。👴🏻（撮要內容；炒淮山麵一定必食！！！🐎意外黑馬水準勁好食，蘑菇雞翼都唔錯， 十分推薦，紫薯沙冰必飲，CP值超高，卡邦尼年糕水準一般，熔岩芝士麵包炸雞水準一般，炸雞🍗/打卡📷愛好者可以一試😘，炸紫菜卷幾好食，可惜份量一般，綠茶朱古力雪花冰水準一般以下，窩夫好似泥膠，質感好似謝霆鋒焗嘅嘅雞蛋仔😨）👴🏻👴🏻環境給店員服務 7/10分琴晚就九點到開始入座，店裏面環境乾淨整齊，店員提醒我哋入座至離開鋪頭開始計算90分鐘，環境都算闊落，就算老爺我而D大肥佬拖個行李喼係路上面行都仲有小小位剩，如果有帶手袋/書包/公事包，四人卡位可能坐落有D迫，不過老爺我入座前見到係籃可以借嚟擺嘢，同埋上菜嗰陣枱面嘅位置大概只可以放四五碟嘢食（已經計埋自己啲碗碗碟碟，餐具餐牌位位置），店員服務真係絕對加分，老闆亦都要為佢哋絕對加薪，落單叫嘢食嗰陣，問店員有咩推薦，店員答樣樣都咁好食，喺再三詢問下，店員推薦我哋淮山麵，真係推薦得冇錯👍🏻👍🏻👴🏻熔岩芝士麵包炸雞$128炸
👴🏻（撮要內容；炒淮山麵一定必食！！！🐎意外黑馬水準勁好食，蘑菇雞翼都唔錯， 十分推薦，紫薯沙冰必飲，CP值超高，卡邦尼年糕水準一般，熔岩芝士麵包炸雞水準一般，炸雞🍗/打卡📷愛好者可以一試😘，炸紫菜卷幾好食，可惜份量一般，綠茶朱古力雪花冰水準一般以下，窩夫好似泥膠，質感好似謝霆鋒焗嘅嘅雞蛋仔😨）👴🏻
👴🏻環境給店員服務 7/10分
琴晚就九點到開始入座，店裏面環境乾淨整齊，店員提醒我哋入座至離開鋪頭開始計算90分鐘，環境都算闊落，就算老爺我而D大肥佬拖個行李喼係路上面行都仲有小小位剩，如果有帶手袋/書包/公事包，四人卡位可能坐落有D迫，不過老爺我入座前見到係籃可以借嚟擺嘢，同埋上菜嗰陣枱面嘅位置大概只可以放四五碟嘢食（已經計埋自己啲碗碗碟碟，餐具餐牌位位置），店員服務真係絕對加分，老闆亦都要為佢哋絕對加薪，落單叫嘢食嗰陣，問店員有咩推薦，店員答樣樣都咁好食，喺再三詢問下，店員推薦我哋淮山麵，真係推薦得冇錯👍🏻👍🏻
👴🏻熔岩芝士麵包炸雞$128
炸雞炸得唔錯，至少食落唔會柴唔會乾，沙律OK，但份量較少，雖然話係熔岩芝士麵包，個芝士只有上面嗰浸，下面嘅醬只係忌廉汁，建議最好將芝士同忌廉汁撈埋先點炸雞會更好，個脆片都唔錯，脆片上面係芝士醬，當小食就咁食真係唔錯，點埋個芝士忌廉汁認真更加好食，個包偏硬身，切開點醬食還可以。
熔岩芝士麵包炸雞
$128
79 views
0 likes
0 comments
👴🏻卡邦尼年糕$78
年糕唔會過硬，軟糯煙韌，卡邦尼個忌廉汁幾香，溫泉蛋切開，少少蛋汁連埋年糕蘑菇煙肉忌廉汁，一齊食真係唔錯🤤。
卡邦尼年糕
$78
41 views
0 likes
0 comments
👴🏻酥脆蘑菇雞翼$48 必點！
即係忌廉汁蘑菇釀冇骨雞翼，超級無敵推薦🤪🤪好鬼好食，可能佢有經過焗烤，肉汁都鎖住晒喺裏面，咬開肉質爆曬出嚟，而且蘑菇同忌廉汁嘅香味同雞翼好撘，再加上本身雞翼係有調味過，有微微嘅香料味，令成個配搭更加正！（記得等佢攤凍少少，咬開太熱小心辣親）
酥脆蘑菇雞翼
$48
20 views
0 likes
0 comments
👴🏻炒豬腸（唔記得左個名同幾錢😭sorry）
用辣醬炒（真係幾辣），上枱嗰陣好香，因為鐵板上枱，食落嗰陣好辣嘴，可能個鐵板真係太熱，有燶底嘅情況，嗰陣淨係食咗一舊就退貨，因為真係燶得太勁，但係味道唔錯嘅。
48 views
0 likes
0 comments
👴🏻蟹黃炒淮山麵$88 超級無敵推薦必點！！！
除咗蟹黃之外，仲有少量嘅海鮮（兩隻蝦一隻青口仲有少少魷魚鬚）算新鮮，淮山麵我都係第一次聽，食落有啲似生麵，同埋果汁係重點！！酸酸甜甜幾清新，撘埋個麵食真係勁正！
蟹黃炒淮山麵
$88
71 views
0 likes
0 comments
👴🏻紫薯沙冰 （又唔記得咗幾錢😭sorry，好似大概40幾蚊）
性價比超高，大份夾抵食，仲要勁香紫薯味，唔係化學嗰隻紫薯味，好鬼正。
紫薯沙冰
28 views
0 likes
0 comments
👴🏻三色窩夫$58 感覺似中伏唔推薦點！！！🤮
窩夫質地似泥膠，上面話佢似謝霆鋒雞蛋仔，實在太俾面佢，又唔淋又唔硬咁，同埋食落有浸怪味（唔係臭嘅，香嘅，唔識點形容，唔似肉桂味），仲有個糖漿食落甜到漏（仲要係唔好食嗰隻甜）仲有個雪糕係算最好食（勁似朱古力味X巢雪糕）所有嘢完全唔搭，我覺得可以叫做難食，嚴重破壞我味蕾。（可能有人鍾意可以試吓，但切勿以身試伏🤘🏻）
三色窩夫（伏）
$58
35 views
0 likes
0 comments
👴🏻綠茶朱古力3.6牛乳雪花冰$58 唔太推薦
聽個名就好好食啦，唔知識落點樣呢，全部都好一般，綠茶雪糕（冇錯又係好似X巢雪糕）朱古力（粉，冇錯係朱古力粉🤪）雪花冰係有牛奶味（吾重牛奶味），到最後紅豆係我覺得扣分嘅位（食落去有浸鐵銹味仲要勁甜😨嗰陣我仲好擔心以為係食完窩夫嘅後遺症）最後評價係整體一般，紅豆敗筆。 （我覺得可以慳返叫多個小食或者其他嘢都好，除咗窩夫！🌚）
綠茶朱古力3.6牛乳雪花冰
$58
37 views
0 likes
0 comments
總結係個窩夫搞到我好大怨氣，不過其他都唔錯好食，環境其他都唔錯，淨係個炒淮山麵已經可以令我再返嚟食多次🤪🤪🤪。
Post
