荔香園冰室 (Closed)

係旺角等睇戲，入女人街食過快飯就最arm。女人街荔香園都係一個唔錯選擇，食物款式夠大眾化，價錢亦貼地親民，最重要份量多，大男人都夠食。鮮茄芝士公司雜扒焗飯即叫即焗，有齊豬扒雞扒火腿同腸仔，大胃王肯定arm食。蕃茄醬夠酸香，有炒飯底之餘仲送多隻蛋，吉穿佢黎食飯，正。皇袍叉燒飯炒蛋同叉燒的份量超多，蛋黃滑溜夠流心，唔會怕個飯乾柴柴，加埋待製豉油撈飯，你我都會愛。魚湯海鮮粉絲煲天氣凍凍地，叫埋個煲暖笠笠， 青口，魚塊，魷魚，份量多，蔬菜清甜，仲有飯跟，肯定夠飽。