可可豬海南雞專門店 (寶榮大廈) (Closed)

今日飲咗個超級無敵正嘅燉湯！屋企附近又有好野食！就係可可豬海南雞飯，又強調唔落味精令我好感興趣！就想試下佢係咪真係冇落味精舖頭細細，堂食有三張枱左右 我叫咗一人一個燉湯椰皇花膠香菇燉雞湯椰皇人參山藥燉排骨湯真係無叫錯燉湯！燉湯原個椰子上，落鹽落得好輕手，真係原汁原味！用料全部都大大粒，花膠大大片，人蔘都好長夾出嚟有兩隻開半嘅香菇，有半隻手板咁大粒 ～雞件排骨都好原整，唔會碎濕濕好少有得叫海南雞脾飯，雞飯份量好大有木瓜沙律伴碟，加少少甜酸汁好開胃雞脾好滑，有雞的鮮味！真係無味精！呢度真係啱曬附近啲打工仔午飯黎食！收工買個湯飲都得！下次會再食！特別係湯品！