半島冰室

Open Now

Now Closed

炮台山CP 最高的茶餐廳。每次經開炮台山都會掛住半島…冰室。原因係佢d 份量多，味道唔差，唯獨是永遠都好多人排隊。基本上太多人排隊我都緣慳一面。睇住佢由細鋪，到裝修變大鋪，由唔多人到超多人排隊，味道仍然keep 到水準，叫值回票價。留意返佢只做日間時間，晚間佢唔開門。同埋要有心理準備係食快餐，食完要交台，人多關係。早餐同下午茶，我就覺得最高CP值。今次我食「蜜汁叉燒公仔麵配炒蛋蒜容牛油方包」最開心係佢叉燒多數都係半肥瘦叉燒而且都大件。奶茶都沖得唔錯用黑白淡奶，茶味都香濃有茶味。