一薯 (Closed)

本身諗住行去買媽咪蛋仔，不過行去途中見到呢間小店新開，專賣薯條，我同女友都可以話係薯條迷，價錢又唔貴就一於試下。小店內外佢廚房位都算大，而食物整既速度亦快，唔洗等好耐。食物選擇專食薯條，仲分左日式同比利時式薯條兩種，不過都有炸雞同窩夫賣，價錢最平$18有交易。日本超長薯條(黑松露蛋黃醬) $3030cm既薯條，一拎上手真係幾驚喜，起碼係平時食既2倍長。有好多款醬可以揀，試左黑松露蛋黃醬，食落外層微脆，薯味唔算太重，不過色水就唔多靚，可能炸油用得比較多次，睇到薯條顏色偏深色左啲，食落亦有啲油溢感重。比利時薯條(一薯醬) $30呢款冇日本超長薯條咁多醬揀，而我揀左一薯醬，一薯醬即係蛋黃醬、蕃茄醬同鮮洋蔥粒。呢款就係平時食開既粗薯，以薯味黎講比日本超長薯條重，同埋外層脆身少少，內裡薯肉厚實返啲，不過就同日本超長薯條問題一樣，顏色偏深，油溢感重。我會覺得係中下水平，炸油唔算新鮮，令炸出黎既薯條唔夠爽脆，而係油多，食得多幾條喉嚨唔太舒服。