炊豕店 (威靈頓街) (Closed)

做完嘢經過見到呢間豬扒店，原來是之前去開銅鑼灣嗰間的分店，我幾鍾意呢度嘅炸豬扒，很有份量，一定食得飽，識揀貨，連骨有少少脂肪而且夠大塊，口感好，炸得酥香唔油，炸漿唔過厚亦唔會太薄。主要食炸豬扒，亦有幾款選擇，原味或者加肉燥汁、蔥油、咖喱。今次就試蔥油豬扒、回味肉燥汁豬扒、再加炸魚蛋炸蝦，作為晚餐份量剛好。肉燥汁好味但份量少，蔥油幾鹹味道得但我覺得唔係好夾，不過原味豬扒飯比較乾，蔥油豬扒飯底有汁呢道好。我覺得麻辣魚蛋調得啱味，麻辣味十足但過分。炸蝦都好，蝦肉緊實唔似雪蝦，炸漿唔厚。呢間鋪比銅鑼灣大而且企理，中環晚上容易有位，唔使排隊，性價比高。我估中午就要大排長龍。