Video
Read full review
2018-07-03
2670 views
連放三日假，就梗係搵一日出去試新野啦，今次近近地揀左大埔區。大埔區美食真係好多，重點係夠平民!! 星期日約朋友入黎試BURGER KITCHEN，但比我地發現隔離幾間店都有唔少人排隊，睇埋佢地D食物同餐牌都感興趣，MARK底下次黎試小店除左提供BURGER之外，仲有意粉同飯，唔駛怕食唔飽。呢度齋BURGER都有近20款選擇，雞、牛、素、海鮮，任君選擇。凍檸茶 (+$5) 凍櫻花LATTE (+$19)最近市面上推出左唔少櫻花味產品，雪糕、薯片、朱古力等，但一直無去試，今次既然要試新野，就一於揀佢啦。未試過食櫻花，所以唔知個味正唔正宗🤔，只可以講呢杯野奶味重D、唔會太甜、較淡既香味，不過粉紅色幾靚，幾有少女心洋蔥圈套餐 (+$25)洋蔥圈新鮮即炸即上枱，熱辣辣，非常辣手😋；中意佢外層炸得夠硬，食到尾都唔會變淋或散開哂，而且大部分都係大圈，分量超值😍薯條套餐 (+$20)粗薯條亦係即炸即上枱，都係辣手，但外層唔脆反而係微硬，估計只係炸左一次，之後無再反炸番D油出黎😣炸軟殼蟹漢堡 ($78) 朋友一打開個餐牌就比呢個漢堡張圖吸引左，二話不說就點佢；雖然呢款漢堡只有生菜、一片薄蕃茄同D汁，感覺
小店除左提供BURGER之外，仲有意粉同飯，唔駛怕食唔飽。呢度齋BURGER都有近20款選擇，雞、牛、素、海鮮，任君選擇。
凍檸茶 (+$5) 凍櫻花LATTE (+$19)
:凍檸茶 (+$5) 凍櫻花LATTE (+$19)
34 views
0 likes
0 comments
最近市面上推出左唔少櫻花味產品，雪糕、薯片、朱古力等，但一直無去試，今次既然要試新野，就一於揀佢啦。
未試過食櫻花，所以唔知個味正唔正宗🤔，只可以講呢杯野奶味重D、唔會太甜、較淡既香味，不過粉紅色幾靚，幾有少女心
洋蔥圈套餐 (+$25)
洋蔥圈套餐
$25
25 views
0 likes
0 comments
洋蔥圈新鮮即炸即上枱，熱辣辣，非常辣手😋；中意佢外層炸得夠硬，食到尾都唔會變淋或散開哂，而且大部分都係大圈，分量超值😍
薯條套餐 (+$20)
薯條套餐
$20
52 views
1 likes
0 comments
粗薯條亦係即炸即上枱，都係辣手，但外層唔脆反而係微硬，估計只係炸左一次，之後無再反炸番D油出黎😣
炸軟殼蟹漢堡 ($78)
炸軟殼蟹漢堡
$78
69 views
0 likes
0 comments
朋友一打開個餐牌就比呢個漢堡張圖吸引左，二話不說就點佢；雖然呢款漢堡只有生菜、一片薄蕃茄同D汁，感覺好似無”肉食”，但原來軟殼蟹比相像中既大隻，而且炸到脆；軟殼蟹既鹹香令個漢堡變得不平凡，呢一刻先知，原來軟殼蟹夾包係咁好味~~
炸軟殼蟹漢堡
$78
49 views
0 likes
0 comments
小店既用心程度，睇佢地對待塊包既態度就知------連面包都有烘過架
大啡菇芝士牛肉漢堡 ($65)
自從食完SHAKE SHACK既炸大啡菇漢堡之後，就對大啡菇念念不忘🤤，所以我持著對佢既期望試呢款漢堡，但原來一D都唔似….
大啡菇多汁，所以全個漢堡食落唔會乾，但就係因為多汁，食得好狼狽，邊食邊滴汁、跌料 (我唔中意食呢D漢堡，一邊咬、D料一邊跣走😫)
牛肉落左太多黑椒調味，咬落去第一個感覺係黑椒味，牛味變好淡😑；呢度既牛肉比較特別，唔知加入牛筋定牛軟骨既野，食落會有D爽口又韌既野，中唔中意咁既牛肉真係見人見志，中意有唔同口感既人可能BY，但我就唔太中意…🙄
整體食物質素都唔錯，即叫即整，新鮮熱辣，份量大又足，對得住呢個價錢，下次會再黎，不過唔會再揀D多汁料既漢堡
Post
