楊記麻辣魚館

Open Now

Now Closed

經過見到呢到開左間酸菜魚，好似幾有風味，就坐低試試佢。我地嗌左一個例牌酸菜魚、炒土豆絲同炸饅頭。一開始已經同姨姨講要bb辣，因為我地都好渣，唔食得辣。不過上到黎都係比bb辣辣左啲，流哂鼻水🤣魚既份量唔算好多，可以嗌碗白飯送呢個魚。但第一次食，想試多啲野，於是冇嗌飯，嗌左土豆絲。土豆絲既薯仔味唔算好出，如果薯仔味出啲就好。同埋係酸同辣，基本上都蓋過左個土豆味。後尾發現都仲有啲空間，就嗌埋炸飯頭，原來佢先係主角。炸到外脆內軟，配煉奶一流。饅頭裏面仲軟綿綿咁，好正。下次如果再黎，一定會encore炸饅頭！