Video
Read full review
2022-10-26
2284 views
星期六同阿媽近近哋出咗去觀塘食嘢，行完街攰唔想去APM同人迫，所以就過咗隔離嘅亞太中心搵食😊。最終篩選完一輪之後，我哋決定幫襯「Dodam Chicken」。揀佢係因為覺得環境好似唔錯，座位闊落，景觀開揚，望住裕民坊街景。炸雞以外，餐廳仲提供多款韓式料理🇰🇷。食物定價雖然唔算平，不過勝在大大碟，兩個人嚟食實在嗌唔到幾多嘢。招牌蘋果薄餅($165)，我想食蘋果薄餅好耐㗎喇，冇諗過竟然係喺韓國餐廳食到🍕。呢度嘅薄餅堅薄，直頭好似餅乾咁脆卜卜。由於餡料都多，佢近乎滿瀉，支撐唔到。🍎蘋果餡有兩款，分別係果乾同浸泡咗嘅果肉，雙重滋味，食落會聯想起甜品蘋果批，但有芝士又令佢似返鹹食。蕃茄卡邦尼ROSE炒年糕($155)，炒年糕係人氣好高嘅新派韓國菜。卡邦尼忌廉口味好常見，🍅不過加入蕃茄後別具特色，亦正正解釋咗為何叫ROSE，因為菜式呈現一片紅🌹。炒年糕煙煙韌韌，並且仲加入咗葛粉，其他配料則包括煙肉、魚糕、泡菜、洋蔥同雜菇等，豐富呢！雲呢拿乳酪沙冰Vanilla Yogurt Smoothie($48)，雖然唔係食炸雞咁熱氣，但嗌返杯嘢飲清清味蕾都唔錯。🥛乳酪沙冰幾滑，由於混入咗雲呢拿，口感甜甜酸酸
星期六同阿媽近近哋出咗去觀塘食嘢，行完街攰唔想去APM同人迫，所以就過咗隔離嘅亞太中心搵食😊。最終篩選完一輪之後，我哋決定幫襯「Dodam Chicken」。
揀佢係因為覺得環境好似唔錯，座位闊落，景觀開揚，望住裕民坊街景。炸雞以外，餐廳仲提供多款韓式料理🇰🇷。食物定價雖然唔算平，不過勝在大大碟，兩個人嚟食實在嗌唔到幾多嘢。
招牌蘋果薄餅
$165
25 views
1 likes
0 comments
招牌蘋果薄餅($165)，我想食蘋果薄餅好耐㗎喇，冇諗過竟然係喺韓國餐廳食到🍕。呢度嘅薄餅堅薄，直頭好似餅乾咁脆卜卜。由於餡料都多，佢近乎滿瀉，支撐唔到。🍎蘋果餡有兩款，分別係果乾同浸泡咗嘅果肉，雙重滋味，食落會聯想起甜品蘋果批，但有芝士又令佢似返鹹食。
蕃茄卡邦尼ROSE炒年糕
$155
13 views
0 likes
0 comments
蕃茄卡邦尼ROSE炒年糕($155)，炒年糕係人氣好高嘅新派韓國菜。卡邦尼忌廉口味好常見，🍅不過加入蕃茄後別具特色，亦正正解釋咗為何叫ROSE，因為菜式呈現一片紅🌹。炒年糕煙煙韌韌，並且仲加入咗葛粉，其他配料則包括煙肉、魚糕、泡菜、洋蔥同雜菇等，豐富呢！
雲呢拿乳酪沙冰Vanilla Yogurt Smoothie($48)，雖然唔係食炸雞咁熱氣，但嗌返杯嘢飲清清味蕾都唔錯。🥛乳酪沙冰幾滑，由於混入咗雲呢拿，口感甜甜酸酸，頗開胃的。
總括嚟講，今日食嘅兩款菜式都有驚喜😍，味道有返咁上下，唔係齋講噱頭。不過餐廳話晒係炸雞店，點都要嚟食返次炸雞嘅，下次啦🍗！
Post
