梨泰院 (愉景新城) (Closed)

今日突然心思思想食炸雞，第一個諗起當然係韓式炸雞啦。愉景新城嘅呢間餐廳嘅招牌菜就正正係熱辣辣嘅釜山炸雞。滋味三重奏簡單叫左個三重奏開開胃先，呢道菜就包括原味紫菜包飯、炸紫菜卷、卡邦尼炒年糕。紫菜包飯足料正宗，紫菜卷外脆內軟，炒年糕夾雜住魚糕，每款都各有特色。韓式雜菜炒粉絲食韓國菜又點少得炒粉絲，呢個雜菜粉絲嘅配菜相當多，唔會食食吓剩返粉絲。粉絲彈牙得黎又唔會韌，啲汁仲有少少甜味。無骨太陽芝士雞鍋芝士雞鍋就相當貼心，中間芝士會用燃料罐保持溫度。旁邊仲有四款不同嘅無骨雞塊，點上熱辣辣嘅芝士醬，真係滿足到爆。飲品點左藍柑荔枝乳酪沙冰同埋白桃藍柑荔枝梳打，清涼又好飲。