新新酒家

Open Now

Now Closed

銅鑼灣好多舖頭都陸續執粒，而家想食飯飲茶 其實選擇都少左。呢間坐位夠闊落，坐得都算舒服。同埋佢好認真，要每名客人都量左體温先可以上去嫁。通常黎食lunch多，咁例牌叫個菜，佢嘅菜算大碟，有D酒樓嘅菜 真係一眼望晒咁多條 呢間算份量多。呢個點心併盤都係9成叫嘅點心，因為好難得，點心併盤係無牛肉 因為我地都唔食牛，呢個併盤嘅嘢又啱食，所以都係不二之選 唔駛再慢慢唸食邊一款點心嘛。質素係好嘅，我發現唔同酒樓嘅燒賣都唔同味，有部份酒樓點心唔啱我口味，呢到feel good叉燒包都夠juicy。最後仲有舊甜品薑汁糕，真夠薑味，值得推介。酒樓執得一間又一間 如果可以，都要支持下，等大家可共渡呢個時間。