利寶閣 (Closed)

今日放假要出去銅鑼灣買野，知道上環有間利寶閣是食點心放題就去試下。午市放題時間11:00-4:00食2小時，每位148仲有送原隻飽魚蘇和花膠灌湯餃一份。原隻飽魚蘇，鮑魚夠淋又炆到好入味又大隻，牛油撻底又好鬆脆。花膠灌湯餃花膠夠軟熟，皮又不會太厚餡有豬肉和蝦湯好鮮甜好美味。點心種類好多有煎炸，小食，甜品，廚部和味部。涼拌青瓜和木耳都好爽脆甜甜酸酸幾開胃。豬腳薑炆到好入味又香又淋，飽汁鳳爪又好淋又夠味，咸菜豬肚幾香好美味。奶皇流沙包真是好流沙，一咬落即流出來包又軟熟，蝦餃皮又不會厚蝦飲爽彈。木耳茄子有鯪魚肉茄子又淋，沙律蝦春卷炸到好香口。鼓椒蒸排骨蒸到好香又啖啖肉，紅棗糕好煙韌又不會太甜。