富臨酒家 (燒鵝大王) (Closed)

今日去鯉魚門行吓 因為年初三所以好多其他餐廳都唔開 咁逼住就試吓依間酒樓去到已經3:30 不過都算旺 坐滿樓面又唔多侍應 冇乜人招呼揀咗個位自己坐底 好在啲侍應都勤力 見佢哋好辛苦好忙點心都係基本款式 腸粉 蒸包 炒麵炒飯 粥 亦有啲新年套餐 不過貴啲同埋多數4人份我哋2個人叫咗5碟點心原本想叫粥同糯米雞 但係全部賣晒1️⃣蒸蝦餃一籠兩粒 平時出面多數一籠三粒 不過佢依個算大粒味道唔錯 餡料多 而且加入蒜頭同蔥 幾香幾新鮮皮亦算薄2️⃣叉燒腸粉一碟三條 每條大大卷已經淋上豉油看似唔錯 食落就麻麻哋 入面餡根本係叉燒包餡 醬油多過肉 味道遍濃餡料分佈又唔平均 叉燒肉亦唔香 比較多肥膏3️⃣潮州粉果依個我冇試 不過睇個樣已經唔得個皮超級厚屋企人食咗話唔好食4️⃣北菇蒸棉花雞依個就相對黎講比較好食底層放咗芋頭同一舊北菇面頭啲雞大大件 最搞笑係忽然有舊蟹柳食落多肉 肉質滑嫩 新鮮雞肉味夾雜少量雞皮同肥膏 加上少少油同鹹味 味道唔錯👍🏻望落都好光滑5️⃣椰汁蒸饅頭一客三大個 白雪雪 肥肥白白配上煉奶 不過個煉奶怪怪地 超級’傑’所以冇沾到饅頭原先已經超香椰汁味🥥唔甜 相當特別而且包質地軟棉棉 幾好食😋一食就食咗2大