朗晴軒酒家 (Closed)

以前新開張飲過一次下午茶，覺得麻麻地，今次再飲，覺得點心水準有進步。兩個人叫了四個點心和一個炒飯。豆沙煎軟餅值得一讚是熱辣辣而且很軟底面有芝麻幾香，豆沙餡就普通。蟹子燒賣王有三粒，正常水準。鮮蝦炸雲吞有三件，配酸甜汁，雲吞炸得香脆，鮮蝦餡份量正常。薑蔥牛柏葉牛柏葉好大件，份量不算少，但是太韌又很大舊好難咬開比較喜歡爽脆的口感，所以麻麻地。欖菜肉鬆金珠炒飯金珠即是粟米，飯炒得幾香不會很油，大大碟幾抵食。