譚點王朝 (Closed)

日日番工都朝8晚5，夜晚又要進修翻學，周末又要訓到太陽落山補補眠，要坐低嘆翻一盅兩件真係有困難。好彩宜家愈黎愈多d點心食市，水準有時候分分鐘高過酒樓食到個d。今日襯住收工有空檔，由九龍塘行路黎到九龍城嘆個茶食個包。譚點王朝，外表都幾得體，一入黎會留意到個玻璃廚房，可以睇到阿師傅默默耕耘。環境可謂古式古香，所有餐枱椅都係木製，心情更索意呢！點心選擇都夠，有好多新式創意點心，二人同行，共叫左6樣。手剁章魚肉餅飯，飯較稔，多水得濟，所以口感欠奉。章魚太爛，反而食不到什麼章魚味，雖則係火燒煲，但飯焦就無啦。蒜香蝦春卷，炸得夠乾身，啖啖蝦肉，正。蝦餃王，皮茫餡靚。叉燒腸，皮拉得好薄又滑，包左d南瓜肉同香菜，好好！綠茶流沙包，甜度恰好，但包則較乾，所以質感奇怪，餡食到咸蛋黃粒，香口，但唔夠流沙，驚喜位少左。燒賣王，普通。整體黎講唔差，可以再黎試其他點心！