點心皇 (Moved) New Location

今晚有朋友話同我去皇點點心食嘢，我之前有聽講過話呢間點心唔錯，開始我以為唔會好多人，但去到都要等位，大概等左10鐘左右，呢間店環境都算OK。睇個蝦餃樣就一般，味道試下果然都系一般，皮比較厚，而且蝦唔系好大只，覺得唔系好新鮮，唔知系咪之前賣剩嘅，入口仲覺得有D淡，下次唔會點呢個喇。呢個生菜牛肉粥值得一贊，分量好足，D粥煲到好夠火候，米全部都煲爛曬，綿綿嘅口感，牛肉大件又鮮嫩，生菜新鮮，好鮮甜，切成粒滾粥好鮮脆，呢個牛肉粥真系令人難忘，下次嚟都要再點。朋友話上次嘅流沙包幾好，真系幾好食，D包整得好松軟，一咬落去D蛋黃就流出嚟，一定要趁熱食，個餡真系好香好好味，中意甜食嘅朋友不妨一試。