好好點心飲茶專門店•椰子雞煲專賣店

Open Now

Now Closed

位於尖沙咀有一間點心同椰子雞煲嘅專門店，呢間專門店裝修幾特別，有古代風既感覺，擺設同家俱都係木製嘅，經過見到即管去試吓佢嘅點心😆原來除咗點心之外佢仲有功夫茶，睇落都幾正宗，正宗嘅功夫茶步驟繁複，首先會有一個茶膽俾你，然後過濾完一次又一次，慢慢焗出茶香味先至換來一啖清香撲鼻嘅茶，一睇就知我係初哥，所以都唔係正確嘅步驟😆，不過佢哋嘅茶葉同茶盤係咪正宗就唔知喇🤔我哋嗌咗五款點心，包括有馬拉糕，蝦餃，蘿蔔糕，紅米脆皮蝦腸同埋排骨陳村粉，整體來講佢哋嘅點心好一般，想食到一款比較特別嘅都冇，可能係椰子雞煲會出名啲？馬拉糕同蘿蔔糕都係正常味道，冇咩太特別，蝦餃嘅皮比較厚，但蝦餃新鮮既，另外蝦腸外皮非常之硬身，從來都未食過咁厚嘅腸粉，本身以為呢一款比較特別所以我嚟試吓點知都係好失望😩😩排骨陳村粉都係一款傳統嘅菜式，但都係非常之失望，首先底層嘅陳村粉，厚粉到好似一堆好硬嘅麵粉咁，同時間有五條黐埋一齊，我都唔知食咗啲乜嘢，豉油又唔夠，同食白飯冇咩分別，至於排骨方面大概有五至六件，但係佢有一半都係脂肪，真係食得落口嘅肉好少，佢整體嘅份量正常，但真係食得嘅冇一半😩唔會再嚟😤