溫莎堡 (Moved) New Location

最近轉黎尼頭開工，正岩有間新野開左， 拉埋同事試一試佢先。估唔到工廠區茶記會有點心食。試左個鳳爪排骨飯同蟹子燒賣。排骨飯有茶樓水準，燒賣個樣幾靚幾好食，可能我鐘意啲實啲既口感，如果有啲肉粒係裏面更好。另同事試左個沙爹牛肉麵早餐，沙爹牛肉夠淋無根沙爹味濃，個麵爽滑唔削，條腸仔既味道同一般好唔同，出奇地好食。最難得係杯奶茶，係傳統港式茶記果隻味，仲係用跟黑白奶夠哂香滑濃厚，整體唔錯。中午仲有小菜同燒味，改天真係要試試。今餐非常飽。