33
14
4
Level4
2K
136
點心：「颱風」般的驚喜
2017-08-30 4912 views
已經有一段時間沒有飲茶食點心，忽然想起早兩個星期經過銅鑼灣利園廣場，發現了唔知從何時起在「安南」旁邊開辟了一個餐廳舖位，雖然改了一個英文名字，卻是以點心為主打，決定走去試試。由於打算周末去飲茶，穩陣起見，還是早兩天訂枱。一來餐廳新開張，二來位置比較吊詭，所以在利園一期地下大堂已經豎立廣告牌指引路徑。新張期間（2017.6.30之前）有九折以為好抵，睇真啲細字條款，原來要係 Lee Gardens Club 會員先至有着數。長電梯直上2樓，再轉電梯上3樓。扶手電梯爬升途中，面向中庭的餐廳外牆逐漸映入眼簾，第一眼就見到黑底灰字的餐廳名字，顏色雖然低調，但依然十分顯眼。去到3樓，再轉另一條扶手電梯，終於去到「Tyfun 颱風」。這個入口都幾隱蔽，有啲似後門；如果唔係有路牌指引，真係唔知道這個位置開咗一間餐廳。餐廳開11點，11點半到達，一枱客人都沒有，到底因為開業時間尚短（唔夠一個月），抑或質素問題？就要試過才知道了！餐廳面積唔算好大，裝修風格及餐枱餐椅設計一西一中，mix & match 得來又不覺得突兀，第一個印象唔錯。餐枱只是普通四方木枱，但枱面卻花了心思及金錢特別訂造，以中國水墨畫風
Read full review
已經有一段時間沒有飲茶食點心，忽然想起早兩個星期經過銅鑼灣利園廣場，發現了唔知從何時起在「安南」旁邊開辟了一個餐廳舖位，雖然改了一個英文名字，卻是以點心為主打，決定走去試試。由於打算周末去飲茶，穩陣起見，還是早兩天訂枱。一來餐廳新開張，二來位置比較吊詭，所以在利園一期地下大堂已經豎立廣告牌指引路徑。新張期間（2017.6.30之前）有九折以為好抵，睇真啲細字條款，原來要係 Lee Gardens Club 會員先至有着數。
58 views
0 likes
0 comments
 長電梯直上2樓，再轉電梯上3樓。扶手電梯爬升途中，面向中庭的餐廳外牆逐漸映入眼簾，第一眼就見到黑底灰字的餐廳名字，顏色雖然低調，但依然十分顯眼。去到3樓，再轉另一條扶手電梯，終於去到「Tyfun 颱風」。這個入口都幾隱蔽，有啲似後門；如果唔係有路牌指引，真係唔知道這個位置開咗一間餐廳。
48 views
0 likes
0 comments
 餐廳開11點，11點半到達，一枱客人都沒有，到底因為開業時間尚短（唔夠一個月），抑或質素問題？就要試過才知道了！
141 views
0 likes
0 comments
 餐廳面積唔算好大，裝修風格及餐枱餐椅設計一西一中，mix & match 得來又不覺得突兀，第一個印象唔錯。餐枱只是普通四方木枱，但枱面卻花了心思及金錢特別訂造，以中國水墨畫風格的花奔為主題，很有特色；驟眼觀察，最少都有五六款不同設計。裝修風格又是另一番景象，色調灰灰暗暗，典型西式風格；靠近商場中庭的外牆又用了波浪形玻璃，充滿現代室內設計氣息。
101 views
0 likes
0 comments
 最突出的可算是那一個新派輕便中式餐廳不可缺少的開放式廚房，其中一半用作炮製蒸籠點心，另一半則是典型的西式酒吧。再配合天花板上一支支恍似雨點的特色照明燈具，營造出來的中西合璧用餐環境完全切合摩登中菜的潮流。
88 views
0 likes
0 comments
 從餐枱餐椅的基本設計及簡約的室內裝修就睇得出「Tyfun 颱風」唔係走高級路線。餐牌只有兩個，分別是《點心》及《甜品》。所謂《點心》，其實已經包括了幾款小菜及炒粉麵飯，而且這兩個餐牌全日共用；但無論點心或小菜，款式選擇皆唔係太多。再睇睇價錢，絕大部份點心在 $30～$50 之間，小菜的價錢更差不多全部在 $100 以下，引證了所估計的中檔路線。
313 views
0 likes
0 comments
 上湯金魚餃（$48）一如其名，三條活靈活現的金魚在淺水池中𣈱泳，水池中又泛浮著各色水草（翡翠苗及蛋絲）；單係這個賣相及造型，已經超過這個點心的價值，換了其他高級酒家，隨時索價多一倍。先試一啖上湯，竟然淡而無味，起初還以為是清雞湯，完全被這個美麗的賣相欺騙了！
上湯金魚餃
$48
46 views
0 likes
0 comments
 但白色的金魚餃真的栩栩如生到不得了。兩點鮮橙紅色的眼睛、背部又掃上了輕輕一抹的金黃色食用顏料，金魚口微微張開，透過金魚皮又見到內裡的點點橙紅色；活脫就是一條金魚。餡料都是中式點心經常採用的蝦肉粒及帶子粒，另外再加入橙紅色的甘筍（提升金魚像真度）及竹筍粒（提升味道及爽脆口感）。整件點心絕對是廚師的用心之作，雖然味道同普通蝦餃或帶子餃沒有太大分別，但以 $48 這個價錢，單係「食造型」及「心機」都已經值回票價。
上湯金魚餃
63 views
0 likes
0 comments
 菠蘿叉燒包（$32）的外型就是三個迷你版港式菠蘿包，只不過是新派風格，缺少了傳統的仿菠蘿釘格仔花紋；始終源自經典港式麵包，名字維持不變也屬正常。
菠蘿叉燒包
$32
38 views
0 likes
0 comments
菠蘿叉燒包
$32
39 views
0 likes
0 comments
 麵包表面那一層酥皮甜度適中、焗得非常鬆脆，酥皮下的麵包又非常鬆軟。掰開麵包兩半，稍嫌包身太薄，麵包及叉燒餡料的比例太低，覺得唔係好似食緊包。叉燒夠軟腍、醬汁比例也合適，味道方面則稍為甜了一點。
菠蘿叉燒包
46 views
0 likes
0 comments
菠蘿叉燒包
41 views
0 likes
0 comments
 滑蛋鮮蝦腸粉（$48）一碟四條，每條兩隻全蝦，份量多過其他港式酒樓。腸粉皮夠薄、也不黏身，只是稍嫌不夠滑。加了少量蛋漿在全蝦餡料的效果不太理想，蒸好的腸粉蛋香不明顯；雖然有雞蛋，但蛋漿呈半生熟糊狀，與"滑蛋"兩字似乎拉不上關係（對"滑蛋"的理解一向為"炒滑蛋"）。總結一句，即使不加蛋漿也沒有分別。
滑蛋鮮蝦腸粉
$48
29 views
0 likes
0 comments
 叫芋角只因為有一段時間沒有吃過，沒有仔細留意點心的名字，所以，當見到這碟芋角的造型可說充滿驚喜，三隻形態極之神似的天鵝呈現在眼前。鵝頭頸是脆餅乾，鵝髻、鵝咀分明；芋角本身的外型正正恍似天鵝身上鬆起的羽毛。
鳳尾鵝肝芋角
$38
54 views
0 likes
0 comments
鳳尾鵝肝芋角
$38
37 views
0 likes
0 comments
 咬開芋角又有另一個驚喜，有別於傳統的冬菇肉碎餡料，除了外層的芋頭蓉之外，竟然用上了鵝肝蓉作為餡料！鵝肝的味道實在太過濃郁，即使份量唔算好多，已差不多完全掩蓋了其他餡料的味道。這時才細看點心名字，原來是鳳尾鵝肝芋角（$38），名字、用料配合點心造型，味道又非常出色，估唔到香膻的鵝肝配軟糯的芋泥竟然是這樣的合襯。
56 views
0 likes
0 comments
 脆皮妙齡乳鴿（$68）配合准鹽及喼汁，典型的炸乳鴿風味。未食落口、只睇賣相，已經知道唔係好掂。乳鴿皮明顯炸過火、水份嚴重流失，表面失去了一層油潤的光澤。乳鴿翼皮薄肉少，最容易睇出問題所在；一眼睇見鴿翼乾㿜㿜，仿似炸燶了。
脆皮妙齡乳鴿
$68
29 views
0 likes
0 comments
脆皮妙齡乳鴿
$68
32 views
0 likes
0 comments
 妙齡乳鴿雖然唔係頂鴿，肉薄唔緊要，只要火喉控制得宜，同樣好食。一啖咬落去，一如所料，乳鴿皮又乾又硬；即使是乳鴿髀，肉質也非常粗嚡、不軟腍，肉汁已經流失了大部份。味道很淡，浸滷水時間唔足夠；更大的問題是鴿膻味非常重，極度懷疑是質素低的急凍乳鴿。
64 views
0 likes
0 comments
 北菇雞飯（$68）細細罉，一個人食份量剛剛好，三大一細每人就只分到一細碗。新派中式餐廳就肯定唔會係明火生米瓦罉煲仔飯，瓦罉只是 gimmick。味道普普通通冇驚喜，材料都算多，鋪滿整煲飯。
北菇雞飯
$68
18 views
0 likes
0 comments
北菇雞飯
$68
22 views
0 likes
0 comments
 只係唔知點解，全部雞肉都冇骨，而且非常嫰滑，好似係雞俾肉，莫非是冰鮮或急凍雞扒？還是喜歡有骨落地的北菇雞飯，總覺得原隻冰鮮雞（當然最好是新鮮雞）斬碎件會好吃一些、雞味重一些。
58 views
0 likes
0 comments
 一細煲飯唔夠分，要多一碟豉油王炒麵（$78）。芽菜及洋蔥絲一定少不了，至於那一撮雞蛋絲則有點多餘，始終豉油王炒麵源自港式鐵皮大排檔明火小炒，最緊要夠鑊氣、香口、惹味濃郁。原本也預計了中式酒樓的豉油王炒麵一定及不上「XX辣蟹」或一些出名的大排檔格局小炒館，但「Tyfun 颱風」合心水的炒粉麵飯款式實在不太多，豉油王炒麵也是僅餘的三兩個選擇。這一碟炒麵雖然夠顏色，但一來唔夠乾身、二來不夠香口，與理想中的炒麵有一段距離。
豉油王炒麵
$78
25 views
0 likes
0 comments
 香芒糯米糍（$36）表面灑滿了椰絲及糖粉，糯米粉皮又睇得出夠薄身，突顯了大大粒芒果肉，賣相幾吸引；另一個抵讚地方就是是細細粒、一口一啖。糯米皮煙煙韌韌、少少黏口，又帶有椰絲香味，中間還有一抹博博的芒果醬，處理方法真的十分不錯；只不過重點的芒果肉唔夠香甜、甚至有微酸，影響這道甜品的整體評分。
香芒糯米糍
$36
39 views
0 likes
0 comments
香芒糯米糍
$36
35 views
0 likes
0 comments
香芒糯米糍
$36
35 views
0 likes
0 comments
 單單從金額來說，如果要用"非常平"、"非常抵食"來形容「Tyfun 颱風」可能唔係好恰當，但比較起銅鑼灣區的其他中式酒樓，「Tyfun 颱風」就的確較為便宜，而且裝修簡約雅緻、也坐得舒適；出品質素方面，小菜普普通通，點心則幾好食，其中有幾款手工點心的造型實在非常精緻（有別於坊間酒樓近年流行的卡通點心，只可以用"可愛"並非"精緻"來形容），絕對值得欣賞及試食。加上地理位置極佳，兼可避開銅鑼灣其他開飯熱點商場的擠迫人流，整體上來說是一個不錯的開飯地點。
188 views
0 likes
0 comments
 後話：離開餐廳時改用另一個門口，原來這個才是正門，餐廳 reception 也是設置在這邊。同層另外兩間餐廳「安南」及「權八」的門口也是在這邊，唔怪得「Tyfun」的另一個門口似是後門了。
49 views
0 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
2 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2017-06-24
    Dining Method
    Dine In
    Spending Per Head
    $130 (Lunch)
    Recommended Dishes
    鳳尾鵝肝芋角
    $ 38
    鳳尾鵝肝芋角
    $ 38
    上湯金魚餃
    $ 48
    上湯金魚餃