點點心 (Closed)

今日休假，朋友話我地幾個朋友一齊食飯聚下舊，傾下計，為左就佢近，我地去左點點心專門店灣仔分店，灣仔分店第一次過嚟，無旺角果間咁多人，不過比較干凈，比較適合幾個朋友一齊食下飯，傾下計，服務態度都幾好。鮮蝦脆皮腸粉，呢度豉油同腸粉分開，隨你自己加幾多，呢個腸粉同其他唔同嘅系入邊有脆皮，腸粉都整得算滑同薄，蝦又新鮮，同脆皮一齊食，可能系第一次食，覺得口感幾特別，都唔錯、奶皇豬仔包，個樣好得意，分量都算大，不過呢個要趁熱嘅時候食最好，入邊系奶皇餡，幾香，唔算甜，還算可以。蝦餃睇落去還算可以，入邊有一只鮮蝦 ，好新鮮，蝦肉仲幾彈牙，都算皮薄餡靚。蟹籽燒賣皇，蝦籽都算多，燒賣味道幾好，配合埋蟹籽的口感，我個人覺得幾好食，其他點心都唔錯，幾個人一齊嚟就最好，可以試多D品種。