Yo Mama - Frozen Yogurt (Closed)

肥髀好喜歡食乳酪雪榚，見有團購（$21買到價值$42嘅劵）就買張劵同佢去灣仔分店食，地點都幾隔涉，在一條斜路上，行到去店面唔大，面積窄長，入內先係櫃臺，再入就有座位，牆上有雪榚卡通畫，傢具簡潔！座位只有四張枱，當時店內無客，但去到一個女店員企在櫃臺，另一個扒在座位訓到死咗咁！比較⋯怪😓去到櫃臺，比張團購劵店員睇，佢睇完面無表情咁問要邊種，我講咗佢去唧乳酪，之後肥髀揀topping，加咗一種配料，交收收錢都係無起伏嘅語氣加木無表情（雖然只係兩句對答）都係坐返埋位吧了Regular($38)+Topping($7)紙榚內幾圈白雪雪嘅乳酪，酸味為主，幾滑身微甜，上面灑咗糖碎，同椰果，糖碎七彩繽紛，味道好甜，夾乳酪雪榚食都ok，椰果煙韌！好QQ!整體好味！減了團購劵$42，補$3就可以，可以八達通比錢！其實環境同食物都好，只係⋯⋯一個無表情嘅店員，加一個訓覺中嘅店員，店又好靜，氣氛好古怪😓我哋走時，肥髀同企在櫃臺嘅店員講再見，佢都完全零反應！講真少客都都比番基本服務吖！