颱風點心 (Closed)

好久已知有此，亦想點解點心店叫颱風，有甚麼意思？好勁揪，勁過旋風，勁過龍捲風，勁過西北風，與點心食物有關係？或是無厘頭文化！而每次行利園都想唔起，又找不到入口，終於在寫字樓大堂升降機左手邊轉灣向上見到。自從怡東酒店關門大吉後，少咗happy hour 好地方，轉移皇冠假日，嘆翻杯後，再過來，有訂枱，但來到有大半位吉位。椒鹽豆腐，外皮香脆，與怡東軒比，皮略厚的的，内裏豆香，滑。雞絲粉皮，粉皮滑爽，雞都係雪，麻醬再香些更好，但已好過小南國。菜莆炒蛋，顏色金黄，邊少脆，少許厚身，有口感，蛋香，但少菜莆，及幼細，多些葱芫茜好些，比世貿中心茶木美味。豉油皇炒麵，麵質滑，味道不太咸，都合意，但欠鑊氣，不似大排檔。