燧記廚房 (巧運工業大廈)

Open Now

Now Closed

10月2日星期六長週要返工，到收工已經係下午2:30，肚仔有啲餓，想食返個下午茶，近近地去附近燧記試吓佢哋嘅下午茶，叫咗一個麻辣醬雞炒腸粉飲可樂價錢唔係太貴$38，侍應送到上枱睇落賣相唔錯，熱氣騰騰都幾香，但係食落發覺有啲唔多妥，就係鹹咗啲，好彩叫咗罐可樂又夠凍，食咗三份之二，最後頂唔順太鹹唯有放棄，我向個侍應反映問題，佢話雞肉係師傅預先醃好，煮好之後再加花椒粉，唯有提提廚房留意吓。 其實之前都喺度食過晚飯幾次，環境舒服乾淨清靜，食物有質素，侍應服務有禮貌，但今次真係令我有啲失望，不過侍應態度都唔錯很接受客人意見，真心希望佢哋真係會改善問題。