神燈海鮮酒家 (V Point)

Open Now

Now Closed

絕對係港島朋友嘅福音，當神燈已經喺銅鑼灣有分店！👍🏻黑松露燒鵝望落去黑鼆鼆，但係食落絕對有驚喜，鵝肉肉汁濃厚，表皮酥脆而肉質嫩滑，吸滿黑松露嘅香氣！唔👍🏻糯米炒膏蟹神燈堅持生米炒成熟米，單單係個糯米飯已經睇到餐廳嘅誠意，建議俾佢焗一陣令到底部有少量嘅飯焦更加香口，食落飯粒索哂蟹黃、蟹膏以及蟹肉嘅鮮香！至於蟹肉膏量十足，肉質鮮甜厚實，適合一家大細分享！👍🏻蜜汁脆燒鱔真係好難喺屋企可以處理到嘅一碟餸菜，特別係鱔，會擔心佢嘅幼骨、擔心佢太過肥膩，但係酒樓嘅處理相當恰意，甜絲絲得來帶點肥美，建議可以擠少少檸檬減輕油膩感👍🏻滷水豬生腸生腸嘅處理做得相當講究，食落完全冇內臟嘅腥臭味，滷水鹹甜適中，如果係凍食嘅相信會更滋味！👍🏻涼拌豬腳筋好鍾意佢個涼拌汁，唔會過分嘅重味亦都特別開胃，豬腳筋咬落爽口。👍🏻豉油王炒麵越簡單嘅菜式就可以睇得出師傅嘅烹調水準，色澤唔會太深，但係亦都相當夠味～👍🏻芥蘭啫啫煲淨係保留住芥蘭嘅莖，咬落非常爽脆，加上鹹魚、蝦乾加以炮製，惹味萬分，唔鍾意食芥蘭亦都有生菜嘅選擇！