香港海賊王餐廳 (Closed)

作為One Piece迷既我冇可能香港開海賊王餐廳我唔來，所以我一定會來。😍星期六12:00來食午餐，已經排長隆，排左大半個鐘到先入到。門口既烈陽號識噴霧，好特別，就好似向食客表示歡迎一樣😁。去到就想叫一啲特色或有圖樣既角色食品，因為呢個一定要相機食先😂。所以叫左以下幾樣同相機分享🤣。草帽既賣相都幾似，但唔夠精緻。牛肉幾好味。可惜份量太少，6舊牛有2舊係肥的😓。飯既份量都唔夠飽。路飛bbq雞翼係幾乎剝晒骨，食落去啖啖肉，感覺好似路飛食緊佢既最愛「水水肉」咁(自己想像🤣）。完成唔似食緊雞翼，呢啲叫雞翼新口感😂。悲觀鬼芭菲甜品個樣好得意，每次見到啲咁可愛賣相既食物就唔係好捨得整爛佢地來食，但唔食都係會溶的，所以就算唔捨得都要食🤣。食完棉花糖同雪糕，下面有士多啤梨、cream同啫哩，一次過滿足唔同既口感同味道。奈美橙汁蔬打就冇咩特別，但有杯墊附送，應該係隨機送出的，我地個杯墊係brook.作為one piece迷既我就梗係要帶走佢留念啦😜。店內除左野食同甜品外，仲有one piece 9個成員既figures,可以同佢地合照。賣完單就會經過佢既紀念品店，可以順便睇下或帶佢地返屋企。