棋哥燒鵝 (Closed)

今日去尖沙咀美麗華買完野, 向The One 方向行時見到呢間棋哥燒鵝餐廳,有馳名的燒鵝, 所以試下, 先叫一個燒鵝例牌$158, 話晒招牌菜, 果然好驚喜, 熱辣辣, 而且有好濃郁的煙燻香味, 外皮油香十足, 鵝肉肉質結實, 肉味相當濃, 真心推介, 好食過好多大酒樓。另外見餐牌, 還有多個下午茶餐,  我選了個燒腩仔飯餐$40,價錢真係好超值,  燒腩仔夠厚身脆皮, 中層有一點點肥膏加肉, 好香, 好稔, 完全唔鞋口, 餐飲係即磨咖啡, 夠香濃。再點了個棋哥常餐$52，叉燒意粉，叉燒半肥瘦，好香甜的蜜汁味，配有甜味的炒蛋，火腿，而多士我喜歡加埋砂糖食，好正, 配了茶走,好滑, 茶味香醇。