高麗軒韓國料理 (Closed)

好耐冇去尖沙咀金巴利街食韓國菜。在那條街覓食總離不開韓國菜，今晚就帶屋企人去食韓烤放題。餐廳設置於地庫一層。多款優質肉類，每位加$38便可升級享用加拿大Prime grade 雪花牛，A3雪花牛，帆立貝、帶子、法式羊架和紅炆牛肋骨。飲品選擇唔算太多，不過都足夠，主打係烤肉。泡菜味道正常發揮。超級推介依度嘅法式羊架，大大件厚切，肉質軟腍而且勁juicy，羊羶味唔算太濃烈，肉味香濃，非常優質。Prime grade 雪花牛薄身，油脂勁香，入口融化美味，已經encore 了幾次😋👍🏻。牛舌厚切，每邊略燒一會，入口特別肥美唔韌。帶子好厚肉又大隻，鮮甜美味！海虎蝦新鮮有蝦味。推介燒銀鱈魚，超多魚油極肥美。一品料理也十分吸引。當然必試升級選擇，紅炆牛肋骨。平常單點石鍋料理都要百幾二百蚊。超濃味牛肋骨炆得又腍又入味，紅蘿蔔吸滿牛嘅精華同醬汁極之入味！鰻魚石鍋飯，味道唔錯。湯品試了牛肋骨湯和海帶湯，海帶湯偏鹹了一點。海鮮煎餅，比較一般。生菜及韓國麵豉醬，配烤肉特別地道又更健康。今晚6人可以試到更多一品料理和湯，非常盡興！