人和月雞煲火鍋店 (Closed)

【惹味烤魚火鍋放題】自從上次係人和月食過鮮味卜卜蜆之後就一直對佢念念不忘，近日比佢新出既芝士雞煲吸引，就約埋朋友來試下，但當日因為天熱氣，胃口不是太好，食芝士雞煲就有膩，所以就揀左麻辣烤魚。呢度係先選一款頭盤，之後再揀湯底打邊爐。今次揀左set c澳洲和牛大滿貫，滿足一下牛星人既朋友。麻辣烤魚叫左小辣，岩岩開始就唔算好辣，烤魚好大條，肉好多，而且唔算多骨，入面都有少少配菜，亦可以係出面選擇其他配菜放埋落一齊。出面雪櫃有好多蔬菜類同丸類可以自己夾，而係其他海鮮肉類就可以用手機落單。仲有幾款熟食提供，每日唔同架，今日係成都水煮牛，麻辣串燒蝦，炸金菇同涼拌青瓜。雖然每款睇落好似好辣甘，但其實平時食小辣既朋友都可以品嚐到。蒜蓉燒鮑魚跟餐每人送左1隻燒鮑魚，肉質爽口，蒜蓉好惹味。牛肉大滿貫拼盤餐廳會先上8款唔同部位既牛肉。澳洲M4和牛，牛味濃，肉質嫩，而牛小排亦唔錯，可惜係限量供應。但牛胸油同牛板鍵就係無限供應，牛胸油爽口味濃，牛板鍵肉質都唔錯。胡椒豬肚湯湯底好足料，勁多豬肚同胡椒，味道亦好濃郁。如果胡椒粒用湯袋裝住就更好啦，唔使啖啖都食到胡椒粒。海鮮拼盤有5款海鮮，鮑魚，帶子，海蝦，大蜆同青口