四季煲仔飯

Open Now

Now Closed

琴晚同朋友來食煲仔飯。可能種種原因，七點去到水靜河飛，睇得出幾位大嬸服務員應該好得閒。朋友係之後來到，坐低後佢問我有咩想食，當時其中一個大嬸係我地無叫佢的情況已經企咗係隔離，聽到我地交談似乎想叫北菇滑雞飯已經準備寫單，我見到同佢講等等先我地未落單再睇。然後同朋友繼續研究餐牌，過程中佢有好多野都唔食，個大嬸聽到我地研究食咩的時候就自己不停加把咀話可以叫乜叫物。由於覺得煩，我用比較強硬的態度話：得，我地自己會睇。佢終於收聲行開。最後叫咗二個煲仔飯，一碟通菜。個人覺得煲仔飯料可以菜都可以，但飯就一般。朋友覺得飯有些硬。基於唔算特別好食，加埋服務員好煩，無意再去。