駿運士多

Open Now

Now Closed

上次朋友帶咗去食呢間嘅豬肉燒賣之後，覺得幾好食。今日經過觀塘，終於有機會試埋佢個魚肉燒賣。朝早嚟到，已經排滿哂人。$10/8 粒，真係好抵食😋★̆̈ 燒賣（$10/8粒，可要求雙拼）叫咗$20雙拼，燒賣皮薄多餡，豉油味道濃厚，辣油就偏辣咗少少，豉油+辣油 = 燒賣必備。撈埋一齊食，爽阿～✐ 魚肉燒賣魚肉彈牙，咬落煙韌有嚼勁，帶有淡淡嘅魚香味，重口味嘅我覺得魚肉味唔夠。✐ 豬肉燒賣大大粒燒賣好足料，口感好豐富，有肉香味同帶有少少肉汁，食落有大大嘅滿足感！個人鍾意食豬肉燒賣多啲，味道比較豐富，食物比較滿足，你呢？