飯廳 (Closed)

西營盤C出口地鐵站附近其實無咩餐廳可以選擇，揀黎揀去都係果幾間，唔係貴就係極貴，今日黎左就黎左食飯廳，其實飯廳有個好正既優惠就係自取8折，好多時同事都會特登買返公司度食，因為成個餐平左起碼10蚊，而且佢個餐既份量都好大，今次叫左雜扒飯，因為唔想食太多燒味，我知道呢度既燒味係最多人叫（聽聞最好食）不過得閒轉下新口味，就揀左呢個餐，腸仔就係翻整左好多次，搞到有D咸啦，我諗雞扒都係咁，但係豬扒唔錯，有豬肉既香甜味，而太陽蛋都煎得幾靚，整體黎講，呢間餐廳唔算係最抵食，但價錢係附近都叫做公道合理。