彩翠軒酒家

Open Now

Now Closed

我好鍾意食燒味飯，貪佢夠平又啖啖肉，一盒飯裏面有菜有肉又有飯，感覺好平衡， 所以三餐唔埋我就會買一個燒味飯盒嚟食。講番今日買嚟食嘅食呢個燒味雙拼飯盒，係燒肉拼切雞飯，價錢我就唔記得咗喇， 白切雞係好香雞味，皮薄肉滑，我唔知道佢斬乜嘢位置畀我，但係就係啖啖肉 ; 燒肉個皮就唔係好夠脆口，但係肉質都算嫩滑， 唔算好肥又唔算好瘦，仲好有豬肉味，但係食到其中有一嚿就好鹹，但係其他燒肉就係正正常常咁樣 ; 條菜就係菜心，加埋啲蔥油撈埋啲飯嚟食。對我嚟講真係好好味嘅一餐。