Video
Read full review
2016-05-03
856 views
早一日同會計小姐喺廈門街食完餃子之後，就陪佢喺利東街行咗轉。當佢發現新開o既「Okashi Galleria x Calbee Plus」有鮮炸薯片食時，頓時口痕心又痕，仲即刻約小肥第日再走過黎，食薯片當午餐，跟住喺附近食埋雪糕做甜品，計劃非常理想 。小肥喺店子開業首月已想拜訪，無奈街上o既人龍成日都係咁長，只好等待熱潮冇咁勁先幫襯。顧名思義，「Okashi Galleria x Calbee Plus」其實係零食物語同卡樂B合作o既概念零食店。樓底極高o既店舖由門口到入面都同樣色彩繽紛。四周更可見到可愛o既卡樂B薯片公仔 同一籃二籃o既薯仔。商店除咗有好多不同款式o既薯片、糖果、朱古力等小食之外，當然係唔少得精品啦，不過一架細小o既卡樂B回力巴士都要百幾蚊架 ，真係一啲都唔平。店內購買包裝零食o既人客唔多，睇收銀部人影都冇隻就知 。吸引大眾每日黎排隊o既當然係每日即叫即炸o既薯片同薯條啦！食客可透過透明玻璃望入廚房，睇住幾位妹妹仔忙碌地炸煮薯片，都幾過癮架 ！佢地個個帶哂口罩、帽、同手套，感覺極之衛生同專業。餐牌只有一頁，主要係分薯片、薯條、同軟雪糕三大類。其中薯條只有「原
小肥喺店子開業首月已想拜訪，無奈街上o既人龍成日都係咁長，只好等待熱潮冇咁勁先幫襯。顧名思義，「Okashi Galleria x Calbee Plus」其實係零食物語同卡樂B合作o既概念零食店。樓底極高o既店舖由門口到入面都同樣色彩繽紛。
四周更可見到可愛o既卡樂B薯片公仔 同一籃二籃o既薯仔。
商店除咗有好多不同款式o既薯片、糖果、朱古力等小食之外，當然係唔少得精品啦，不過一架細小o既卡樂B回力巴士都要百幾蚊架 ，真係一啲都唔平。
店內購買包裝零食o既人客唔多，睇收銀部人影都冇隻就知 。
吸引大眾每日黎排隊o既當然係每日即叫即炸o既薯片同薯條啦！食客可透過透明玻璃望入廚房，睇住幾位妹妹仔忙碌地炸煮薯片，都幾過癮架 ！
佢地個個帶哂口罩、帽、同手套，感覺極之衛生同專業。
餐牌只有一頁，主要係分薯片、薯條、同軟雪糕三大類。其中薯條只有「原味」及「芝士味」兩款；軟雪糕全為「日本3.5生乳軟雪糕」，可選淨食、加朱古力醬、或加富樂果食。
XO仔同會計小姐對薯片情有獨中，一人揀咗一款，然後分黎食。薯片基本上分「波浪」及「平切」；調味就再分「避風塘香辣味」、「燒烤味」、「原味加雙重芝士」、「原味加朱古力醬」；最意想不到就係牌上居然見到三種薯片加雪糕o既組合，「原味加軟雪糕」、「避風塘香辣味加軟雪糕」、同「原味加朱古力醬加軟雪糕」，認真搞鬼。
小肥真係好怕袋銀仔，故此對可以用八達通找數o既商店都會暗地裡加零頭分 ，即係所有零點五分都會自動升呢為一分。
等咗大概八分鐘左右，我地兩碗薯片終於準備好。
平切原味加雙重芝士 + 波浪燒烤味
$61
59 views
1 likes
0 comments
平切原味加雙重芝士
$32
25 views
1 likes
0 comments
波浪燒烤味
25 views
1 likes
0 comments
Post
