八歌仙 (家樂坊) (Closed)

身為燒肉控 ，最鍾意食牛肉，唔好以為小朋友唔識食，宜家啲小朋友好有要求，要食靚牛。今日我哋就去咗八歌仙，唔單止環境好，仲坐得好闊落，有別於一般日式放題餐廳。120分鐘高質日式燒肉火鍋任食放題，我哋由2點食到4點，由日本仙台日本A5和牛到澳洲和牛，款款都高質素，加埋刺身、火鍋、天婦羅、油揚炸物、串燒、壽司卷物等，超多選擇🥰🥰🥰火鍋方面可以選兩款湯底，我哋選咗龍蝦番茄湯同埋壽喜燒湯底，選咗Set B-Blackmore M9澳洲和牛，再落單叫咗壽司、炸物等。好快就拎咗燒肉拼盤同刺身拼盤，刺身拼盤嘅三文魚同帆立貝好鮮甜，魷魚刺身，北奇貝刺身好新鮮。之後開始食燒肉，餐廳仲好貼心俾咗牛脂用嚟開爐。🍚A5仙台牛日本和牛三角油脂分布超級平均，牛味相當濃郁，入口即化。🍚A5 仙台牛日本和牛上脾脂肪比例冇咁高、有口感。🍚A5 仙台牛日本和牛背峰油脂偏強，食落好Juicy，豐富肉汁，但有少量筋位。🍚A5 仙台牛日本和牛肩胛雪花分布好均勻。另外再叫咗：M9 +澳洲和牛肩胛、M7-8澳洲和牛外腿、M9+澳洲和牛西冷、M7-8澳洲和牛板腱油揚炸物叫咗：芝士年糕、鹽香酥炸雞軟骨小朋友最鍾意食芝士年糕。鹽香酥炸雞軟