神燈燒 (Closed)

最近工作實在太忙太辛苦，放假就同朋友去放縱一下自己，去了旺角神燈燒食燒烤放題。一坐低即刻開個自助點餐，選擇都唔少，除了安格斯牛，美國肩胛大理石、金菇肥牛卷也是愛牛之選。另外刺身、壽司、沙律、炸物任君選擇。望住餐牌，首先想點西班牙黑毛豬五花肉，不過餐單搵唔到，原來係直接送過嚟㗎！喜歡食蠔嘅朋友，水產就應該啱晒，有蒜蓉芝士青口，芝士/蒜蓉燒生蠔，多春魚。小食有拉絲年糕，煙煙韌韌又幾好食。明太子無骨雞翼、忌廉芝士無骨雞翼啖啖肉，又夠入味，而且新鮮炸的。吉列炸大蝦，都幾大隻，仲有和風炸蟹鉗、黃金酥炸魷魚，雜物都是新鮮炸的。鍾意食榴槤的你，榴槤炸彈必叫，裏面的榴槤肉好香呀！刺身有三文魚、吞拿魚、北寄貝、甜蝦、八爪魚、墨魚等，刺身都幾新鮮。飲品當然任飲，又有啤酒可供選擇。叫咗一杯特盛綜合水果茶，果然係特別大大大杯！另外仲有生果、雪條添！熊啤啤雪條好得意🤣仲有好耐冇食過的紅豆雪條😋