小火山 (Closed)

泰國菜除左一般食下串燒/炒菜/沙律，今次呢間泰菜係打邊爐加燒肉。先食個蝦片，蝦片本身無咩特別，但配左呢款冬蔭公蛋黃醬，有啲創新。飲品揀左芒果沙冰同椰青，芒果沙冰解辣清爽，甜度適中。泰國野唔可以無生蝦，呢到有款三味刺身一口杯，包括生蝦刺身、生蠔同三文魚，最推薦三文魚，厚切又開胃！見每位客人張台都有呢個鍋，中間係燒肉，側邊可以shabu shabu。台面本身附左幾款汁醬，都係泰式酸辣style，燒完肉再點汁食，有種食緊串燒既感覺。先講肉類，泰豬鍋拼盤入面有4款豬肉，當中最好食係豬梅肉片同豬頸肉。推薦一個食法，將豬腩肉片捲埋打邊爐用既金菇變金菇豬肉捲，燒完既有油香又有金菇解膩，你地都可以試下。豬梅花肉片呢款梅花肉片比較厚，燒完好有口感，加埋有蛋，燒完仲有蛋香，好推薦呢款！湯底方面當然都係泰風情，一邊係椰汁雞湯一邊係牛骨船河，用船河煮金邊粉，加埋生菜就變左好食嘅船河！有個小建議，烤肉前記得以火鍋食左啲菜先，因為啲肉一邊煎，啲油會滴返落個湯到，到烤肉後期，湯底會變得油膩！泰菜不可少芒果糯米飯，呢到份量係一口Size，幾岩淺嚐。上台時糯米飯仲熱嘅，可惜飯粒比較硬。當日仲有live band，成間餐