神石燒牛扒專門店 (碧街) (Closed)

近排揾到一個超級抵食優惠嘅燒肉店，因為週年嘅優惠個燒肉係半價優惠唔洗$100已經有3款牛肉真係性價比高！而且餐廳本身有沙律吧任食，配料都有幾多款式選擇而湯同飯都可唔可以自己任添食。燒肉優惠係一人火山石燒燒肉盛(美國牛肉燒肉盛合)原價$128 而家半價只要$64，lunch 黎講真係好抵食。燒肉包括有美國安格斯牛肉，美國特級牛五花同薄切蔥花牛舌飯。安格斯牛肉就正常冇咩太大特別，而牛五花就唔算好肥但就偏林身，最後牛舌牛肉味就重啲，個人鐘童食牛舌多啲。飯有少少特別係可以任加紫菜，而湯有黑豚牛舌洋蔥湯，雖然係免費但洋蔥配料都有幾多下仲有啲牛舌係湯入面。