燒肉臻 (Closed)

今次特別帶朋友黎呢間日式燒肉店，因為質素高，服務好，好有日本居酒屋嘅感覺。小食先點了炸池魚，酥酥脆脆，滿滿池魚鮮味，熱辣辣上枱，餸酒一流。燒日式魚乾，由師傅操刀燒好，咸香有咬勁嘅魚乾，帶點點脆邊，十分香口。店員特別推介燒雞尾，用上日本雞尾邊慢烤，烤出多餘油份，帶出酥脆感，內裡軟滑滲出雞油香味，真的十分推薦要試一試。燒白鱔同樣由師傅操刀，鱔肉白皙彈牙，皮脆肉香，配上燒汁同柚子醋汁。伊比利亞豬肋條，初時有點擔心會像牛肋條般油膩帶筋，原來燒完之後豬肉香味十分出，肉質彈牙帶咬勁，十分滋味。甲羅燒，蟹羔加入味噌及鵪春蛋，燒完成膏狀帶蟹羔焦香，配上梳打餅，鮮味爆登。主角和牛選了日本國產和牛肉眼，迷人的粉紅色同雪花，師傅燒好上枱，略用鹽花點綴，幼滑肉質，牛脂香味嘴裡爆發，回味無窮。燒牛舌，嫩滑彈牙，香味濃郁，同樣高質素。值得一提呢度燒酒放題，198元可享90分鐘任飲，有數十款日本清酒可以選擇，用自助販賣式型式自選，鍾意燒肉配清酒嘅朋友唔可以錯過！同時亦可以買token 淺嘗 或者 整支清酒買一送一優惠同朋友分享。