金鶴拉麵 (和富道) (Closed)

抗疫期間少左堂食，所以多數外賣。今日經過見到個鰻魚飯好吸引，外賣仲有八五折添，所以就食佢啦！睇見個餐牌張相都好流晒口水！活燒蒲燒鰻魚飯 $238餐牌寫住鰻魚係活的，係舖頭先湯，夠新鮮！雖然係外賣，但拎到返黎都仲好好味！好香！份量仲估唔到甘多！裝滿一盒！鰻魚煎到好香口，焦焦地，脆脆地既邊好和香口！鰻魚件超厚身，啖啖肉！有皮果邊稔得黎有咬口！肉質好鮮甜。點埋鰻魚汁剛剛好，無得頂！係我食過最好食既鰻魚！望見到流口水！鰻魚汁另上前菜:八爪魚黑毛豬串燒肉質好稔，有少少既肥肉，咬落去好香口！個燒汁好惹味，燒到少少脆，好有肉味！好滿意既一餐！尤其是個鰻魚飯！疫情期間外賣自取有折！抵食！