大快活 (Closed)

快活既下午茶都幾耐無食過，見佢地出左個燒雞下午茶，就抱住好奇心去試下啦。點知真係好正呀，隻燒雞好似隻BB鴿咁大隻。我二話不說即刻換左隻燒髀番黎，隻燒髀睇落順眼好多。蜜味燒髀隻雞髀都唔算太大隻，但個味道都唔錯既。起碼隻雞髀蜜汁味好夠。我比較鍾意呢種既味道，起碼甜甜地，又夠味。粗薯條得果三數條，個薯味就唔多夠。真係無乜特別。紅豆冰呢個就幾好飲啦，紅豆幾淋，算係咁啦。講真，燒雞未試過就真係唔好試啦，唔係一定會後悔。