榕記陳皮燒鵝 (首都廣場)

Open Now

Now Closed

咁啱去開尖沙咀買嘢，撞正晚飯時間，一個人食又唔知食乜好。咁啱經過呢間餐廳，俾佢門口嗰隻巨型燒鵝模型吸引左。睇見佢門口都放咁大隻燒鵝做招徠，相信燒鵝一定係佢嘅招牌，咁就試咗一個燒鵝五寶瀨粉，燒味餐除咗配飯之外，仲可以揀配瀨粉或者米粉👍。五寶就包括燒鵝、燒肉、叉燒、油雞、鹹蛋。呢個五寶配料都算唔話得，至少冇比紅腸又當係一寶😂。燒鵝確實幾好味，個皮非常之脆，充滿油香。燒肉亦都唔會太鹹，個皮亦都係非常鬆脆。油雞就冇乜特別，正常嘢，唔會話太鹹。叉燒係半肥瘦，亦都係味道啱啱好！