千樂燒味餐室 (Closed)

星期六過咗灣仔剪頭髮，等咗一排先到我剪，最尾都搞咗好耐先整完，走嘅時候好肚餓，都係食D嘢先返屋企啦。喺軒尼詩道路過時見到有間燒味餐廳，覺得幾吸引，所以返轉頭再睇多次啱唔啱食。門口見到餐牌個價錢都好相宜，咁就入去食，唔再周圍行啦。入去時已經決定係食個燒鵝叉燒飯套餐，睇圖片已經覺得吸引。除咗有1碟叉燒拼燒鵝之外，仲有碟小食，一碗湯，熱飲。燒鵝醃得夠味，肉質唔會太硬，加上脆皮，好食。叉燒唔太肥，帶蜜味，少少燶邊，好香口。拍青瓜開胃之餘又可以食D蔬菜，唔會淨係食肉咁油膩。地方整潔，價錢合理，出開灣仔會再嚟食~~