谷芋 (Closed)

天氣炎熱最想就係飲返杯嘢飲, 不過又唔係好想飲汽水🤔行下行下見到巷仔入面有間嘢粉紅色好似幾得意就入去睇下，見到啲名咁得意嘅咩豆腐芒果燦燦？？就膽粗粗買一杯嚟試下，整出嚟已經見到好靚喎，飲落口又涼浸浸而且仲好似有種食冰凍豆腐花嘅感覺😊👍鋪面除咗有嘢飲之外仲有好多可愛嘅毛公仔同埋有部夾公仔機，基本上如果你拍住拖去仲可以一路等嘢飲一路夾公仔。店員都非常之親切，特別入面個男店員都好肯同我哋傾計，同埋介紹佢哋嘅飲品。店面環境舒服整齊，店員親切，啲嘢飲又沖得好飲所以我覺得都係值得推介畀大家👍