越南屋

Open Now

Now Closed

屋企唔喺呢邊，今日咁啱行開過嚟，又想食越南野，就嗌咗外賣試吓。嗌咗個豬扒撈檬，走生菜絲走青瓜。但係超失望，因為成碗粉都係熱嘅😅 食得撈檬就係想食啲涼浸浸嘅嘢，點知一入口碗嘢係熱😅 豬扒係ok嘅，一來份量算多，二來都煎得幾靚，唔會太老，調味就普普通通。撈檬嘅汁都比較普通，可能係俾啲熱檬粉影響咗😅 食落比較重蒜味，唔算好酸，但個人鍾意酸酸辣辣嘅汁多啲。豬扒上面有啲蔥油，但係覺得可以俾多少少，因為豬扒調味唔算突出，好快會食到麻木咗。有啲其他調味可以食到一半嘅時候變吓味會滿足啲。