Video
Read full review
2022-03-27
1393 views
呢兩年冇得去旅行但就認認識多咗香港本土嘅文化，並發現咗好多年輕人創業嘅故事。但可惜現今嘅政治/政策都令香港不適宜比年輕人追夢，令商戶每日哀嘆「我過得並不好，但是我會活著」 。繼上次介紹完西環已結業嘅burger店後，突然諗返起同區呢間嘅小店，性質又同佢好似，於是今次就去呢間。 Hohon Eatery 呢個名都有好多個說法，有人話係指「好嘅漢堡包」或係「好漢子」，而餐廳補充咗句個「h」字都係指hk咁解。店舖非常之近香港大學站，唔洗上山落山，位於皇后大道西嘅車流中心，但店舖卻係意外地冷清。 西營盤嘅店舖就出咗名細，點知呢間就更加細，只有四/五張枱，但又唔會覺得好迫/要縮埋一舊坐...裝修就非常之簡潔，以水泥為主，可以見到兩位老闆嘅手藝。 掀開餐牌，最馳名嘅burger就有三款，有脆嫩魚堡/脆香雞堡同多汁牛堡。唔想食包嘅人都可以食意粉，仲有小食/甜品/酒類/cocktail。平日午市附送飲品，學生有九折優惠。 講開就講埋，店員嘅態度好nice，就算好似平日唔敢出聲嘅我都被店員問「你喺邊度黎架？住附近？」如果敢同佢哋開話題，可能會講到天都黑。 多汁牛堡$106份量就真係唔多，$106坦白講有
繼上次介紹完西環已結業嘅burger店後，突然諗返起同區呢間嘅小店，性質又同佢好似，於是今次就去呢間。
Hohon Eatery 呢個名都有好多個說法，有人話係指「好嘅漢堡包」或係「好漢子」，而餐廳補充咗句個「h」字都係指hk咁解。店舖非常之近香港大學站，唔洗上山落山，位於皇后大道西嘅車流中心，但店舖卻係意外地冷清。
西營盤嘅店舖就出咗名細，點知呢間就更加細，只有四/五張枱，但又唔會覺得好迫/要縮埋一舊坐...裝修就非常之簡潔，以水泥為主，可以見到兩位老闆嘅手藝。
掀開餐牌，最馳名嘅burger就有三款，有脆嫩魚堡/脆香雞堡同多汁牛堡。唔想食包嘅人都可以食意粉，仲有小食/甜品/酒類/cocktail。平日午市附送飲品，學生有九折優惠。
講開就講埋，店員嘅態度好nice，就算好似平日唔敢出聲嘅我都被店員問「你喺邊度黎架？住附近？」如果敢同佢哋開話題，可能會講到天都黑。
多汁牛堡$106
多汁牛堡
$106
30 views
0 likes
0 comments
份量就真係唔多，$106坦白講有D貴，又唔係鬼佬size嗰隻，但薯條就唔洗再加錢轉set啦，已經包括在內。
麵包由餐廳自家製造，同一般brioche/milk bun唔同，呢隻係potato bun，其實喺美國係好常見。在麵團中加入薯蓉，既有陣薯香或更濕潤，又可以發酵得更快，在室温保存得更耐。
餐廳並都加入黑炭入d包度，令顏色更吸引。外皮唔會太乾，內外都有烘過。口感軟熟香綿，既甜又有牛油香，再有層獨特嘅香氣，唔會話覺得好齋/無味，我就幾鐘意。
牛肉產地來至意大利，都有一定厚度，有層焦香嘅脆皮，偏向有咬口。可能係受食物名稱嘅影響，又冇想像中咁多汁，但當然唔乾啦，可況脂香非常充裕，肉味又幾濃厚。
內裏仲有一片片嘅煙肉，佢嘅脂肪比例唔多，但估唔到係超級脆，為肉帶來口感/咸香。芝士熱溶於肉中，呢樣我以為係burger嘅基本野卻好少餐廳先至做得到。
沙律醬放得好多，同樣係自家製，係偏向咸咸地嗰種但又帶有甜味同酸香，味道算係well balanced。再有清洗過而唔刺激嘅紫洋蔥，酸瓜同苦茞沙律菜，成個burger分數都唔錯。
薯條
23 views
0 likes
0 comments
扭紋薯條顏異常地黃(雖然唔知點解啦)，個人認為可以炸得更耐，唔夠金黃香脆，加上呢個價位係唔係應該會有個更好嘅選擇呢？
Post
