麻甩佬狗仔粉

Open Now

Now Closed

呢間鋪個名好特別, 一睇個名就知佢最出名係狗仔粉。粉仔份量有兩個選擇,大既$32細就$24。怕食唔哂所以只叫左細碗。另外仲可以選擇蔥同菜甫既份量, 菜甫都可以揀辣唔辣, 自己就揀左多蔥同少辣。等左大約5分鐘就有, 張相係食到一半先影, 粉仔個湯都幾鮮味唔會太鹹, 粉仔口感都有彈性, 唔會太淋, 各樣配料味道都ok, 菜甫個人覺得唔夠多, 下次一定會叫多菜甫。出面食過有比呢個更好食既狗仔粉, 但呢間都算唔錯。冬天叫一碗暖笠笠又飽肚既粉仔真係好享受。