堅信號上海生煎皇 (新都城中心二期) (Closed)

呢間生煎包店新開左一段日子，都有好多人等位同排隊，一直想試都試唔到。有一晚收工見佢冇咁多人，就買外賣返屋企試吓好唔好味。買咗8隻生煎包，上海粗炒，四川擔擔面和麻辣鳳爪。先講生煎包，諗住攞到返屋企都可能會冧咗同凍左。點知攞到返屋企仲係熱辣辣，個底仲係脆。一疊咬落去勁多肉汁，食得出個肉質幾鮮甜新鮮，喺香港食到呢個質素我收貨。上海粗炒和四川擔擔面就水平以內，冇咩驚喜。麻辣鳳爪幾夠麻辣，係開胃之選。呢間勝在價格經濟，唔怪得知都好多人幫襯啦！簡簡單單晚餐都唔錯👍🏻